Komuna e Fushë-Kosovës, ka mbajtur dëgjimin e dytë me qytetarë, ku ka diskutuar për Planifikimin Buxhetor 2024 / 2026.
Në këtë dëgjim, merrnin pjesë, Drejtori për Infrastrukturë njëherit edhe Zyrtarë i Planifikimit të Buxhetit z.Bardhyl Kojçiçi, Kryesuesi i Kuvendit Komunal z. Ali Ismaili, Drejtori për Zhvillim Ekonomik z.Ekrem Berjani, këshilltarë komunal, qytetarë dhe përfaqësues të shoqërisë civile. Të pranishmit, gjatë debatit për projeksionet buxhetore për vitet 2024-2026, kanë paraqitur kërkesat e tyre për investimet kapitale.
Buxheti i përgjithshëm i Komunës për vitin 2024 është 16,285,500.00 euro, ndërsa nga kjo shumë, për investime kapitale janë planifikuar 4,649,000.00 euro. Ky është dëgjimi i dytë publik me qytetarë për këtë vit, ku është diskutuar për Planifikimin e Buxhetit.
