Në një mesazh të Kryetarit të Komunës z. Burim Berisha, drejtuar qytetarëve të Komunës së Fushë-Kosovës me rastin e shënimit të 5,6 dhe 7 marsit si një nga ngjarjet më të rëndësishme në historinë e popullit shqiptarë, thuhet:
“Ne po shënojmë ditët e Epopesë së Ushtrisë Çlirimtare të Kosovës, Epopesë që i solli lirinë dhe pavarësinë vendit tonë, Epopesë që grumbulloi dhe bashkoj gjithë energjitë pozitive për liri, për çlirim, epope që bashkoi të gjithë shqiptarët kudo që jetonin dhe jetojnë sot, Epope që sublimon vlera kombëtare.
Këto ditë ne po shënojmë, sakrificën e familjes Jashari, nderojmë dhe respektojmë jetën dhe veprën e kryeheroit, komandantit legjendar Adem Jasharit. Çdo herë që ne nderojmë të kaluarën, luftën e UÇK-së, rezistencën e të gjithë qytetarëve të Kosovës, ne nderojmë të sotmen, marrin energji për të ardhmen, për të konsoliduar dhe forcuar shtetin tone.
Kjo është ditë që secili për një moment duhet të mendoj se ku ishim vetëm në disa vite më parë, në një gjenocid të paparë, dhe ku kemi arritur sot, në Kosovën e lirë dhe të pavarur ” thuhet në fund të mesazhit të Kryetarit të Komunës së Fushë-Kosovës.
