Aparaturë e përsosur e rëntgenit dhe e analizave biokimike iu dhurua QKMF-së nga populli japonez, të cilën në emër të zyrës Japoneze e dorëzoi z. NYOSHI YONYAMA. Z. Yonyama në fjalën e tij tha se ‘qendra juaj ka pas nevojë për këtë aparaturë dhe se me përdorimin e këtyre mjeteve sigurisht se do të shpëtohen edhe shumë jetë’. Nga ana e tij kryetari i Komunës së Fushë-Kosovës z.Burim Berisha tha se u jemi përherë mirënjohës popullit dhe qeverisë Japoneze për këtë dhuratë kaq të nevojshme për këtë qendër.
Edhe drejtori i Drejtorisë për Shëndetësi dhe Mirëqenie Sociale, Ekrem Berjani, në fjalën e tij tha se ishte një kohë e gjatë kur ne zhvilluam kontakte të rregullta me ambasadën e Japonisë në Austri dhe zyrën në Prishtinë dhe si rezultat i gjithë këtij bashkëpunimi është kjo dhuratë kaq e çmueshme për QKMF në Fushë-Kosovë.
