Diskutimi Publik për Vlerësimin Strategjik Mjedisor për Planin Zhvillimor Komunal të Fushë-Kosovës
Nga data 01.08.2013 deri më 16.08.2013
Kemi nderin t’ju ftojmë në Diskutimin Publik për Vlerësimin Strategjik Mjedisor për Planin Zhvillimor Komunal të Fushë-Kosovës, i cili organizohet bashkërisht nga Komuna dhe hartuesi i Draft Raportit për VSM-PZHK të Fushë-Kosovës Kompania KOSOVA ECO-Klinë.
Në vitin 2008, Kuvendi Komunal mori vendim për hartimin e Planit Zhvillimor Komunal. Plani u hartua nga Komuna.
Në tetor të vitit 2010, Ligji për Vlerësimin Strategjik Mjedisor u miratua nga Parlamenti i Kosovës. Ligji kërkon nga të gjitha planet zhvillimore dhe programet që të kenë VSM, Komuna vendosi ta hartojë raportin e VSM–ës për PZHK-në. Për këtë qëllim Komuna e Fushë-Kosovës e kontaktoi edhe një konsulent te licencuar për VSM-në .
Sipas Ligjit për VSM-të, kërkohet organizimi i debatit publik. Draft raporti i VSM-së për të gjithë të interesuarit të shkarkohen në webfaqen e Komunës së Fushë-Kosovës: https://fushekosove.rks-gov.net/, derisa raporti i shtypur dhe informata tjera shtesë mund të merren në Zyrën për Mbrojtje te Mjedis, të Komunës së Fushë-Kosovës, Zyra nr. 26, kati i 3.
Qëllimi i këtij debati është ta prezantojë procesin e hartimit të raportit dhe gjetjeve të VSM-së dhe që të mbledh ide dhe opinione nga institucionet dhe publiku.
Takimi do të mbahet në sallën e Kuvendit Komunal të premten, më 16 Gusht 2013 prej orës 10:00 .
