Kryetari i Komunës, Burim Berisha, me bashkëpunëtorë, priti një delegacion të përbërë nga Biznesmen dhe Afarist nga Global Asia Investment Group. Delegacioni përbëhej nga: Takahiro Sakanoue – General Manager of GLOBAL ASIA ASSETS SDN. BHD. (MALAYSIA), JAPANESE, Charlie Taka / Founder of G.A.I.G, JAPANESE, Atushi Takayanagi/ General Manager of CALIFORNIA HILLS, Hideki Murakami: Manager of EURO ASSETS ADVISORY SH.A (PRISTINA KOSOVO ) JAPANESE.
Fillimisht mysafirët u informuan nga kryetari Berisha për rrjedhat e përgjithshme në komunën e Fushë-Kosovës e në veçanti për zhvillimet dhe të arriturat në ekonomi, biznes, infrastrukturë, bujqësi etj.
Interesimi i këtyre Afaristëve ishte për investimet në ndërtime që mund të bëhen në Fushë-Kosovë. Nga ana e tij kryetari Berisha i ofroi të gjitha lehtësirat procedurale duke iu mundësuar dhe garantuar atyre kushte sa më të mira nëse vendosin për investime. Nga ana e tyre ata u ndanë shumë të kënaqur dhe premtuan se pas një vizite që do të realizojnë në zona të ndryshme të Fushë-Kosovës, shumë shpejtë do të marrin një qëndrim dhe pritet që Fushë-Kosova ta ketë një objekt ndërtimi shumë të lartë dhe me standarde të larta ashtu siç ka ndërtime edhe në Makao, Malajzi, Singapor, Kinë, SHBA etj.
