Ansambli i Këngëve dhe i Valleve “Zëri i Kosovës” nga Fushë-Kosova është në fazën përfundimtare të përgatitjeve për shënimin e 100 vjetorit të Pavarësisë, ku si mysafirë nderi do të qëndroj në Freiburg të Gjermanisë më 01.12.2012, për të dhënë një program të pasur dhe të zgjedhur me këngë dhe valle për mërgimtarët tanë që jetojnë dhe punojnë atje.
Ansambli përveç koreografive të reja është pajisur edhe me veshje të reja, ku mërgimtarët tanë në Gjermani do të kenë rast që t’i shohin për herë të parë. Kjo garderobë është siguruar nga Drejtoria për Kulturë, Rini dhe Sport e cila po investon në këtë Ansambël. Me rezultatet që po arrin janë shumë të kënaqur jo vetëm publiku i Fushë-Kosovës, por programet që janë shfaqur në Shqipëri, Maqedoni, Turqi e tash edhe në Gjermani po e bëjnë këtë Ansambël tepër të veçantë në Kosovë, që për këtë drejtori dhe Komunën është një nderë tepër i veçantë.
Angazhimi dhe puna vetëmohuese e koreografit Dilaver Kryeziu është rezultat i gjithë këtyre sukseseve që po arrijnë djemtë dhe vashat e Ansamblit të Këngëve dhe Valleve “Zëri i Kosovës” nga Fushë-Kosova.
