Për një vizitë pune qëndroi sot në komunën e Fushë-Kosovës shefi i Misionit të OSBE-së në Kosovë z. Jan Braathu. Ai u prit nga kryetari i komunës z. Burim Berisha i cili falënderoi ambasadorin Brathu për punën dhe angazhimin e tij dhe të stafit të OSBE-së në komunën e Fushë Kosovës.
Kryetari Berisha e informoi z.Braathu për rrjedhat e përgjithshme dhe zhvillimet në komunën e Fushë-Kosovës. Gjatë viteve të fundit në këtë komunë vërehet një zhvillim i hovshëm dhe një dinamizëm i pa parë, gjë që ndihemi mirë si institucion pasi që Fushë-Kosova ka një pamje të bukur dhe krejt tjetër nga ajo që kishte në të kaluarën. Situata e qetë dhe klima e ndërtuar ndërnacionale në këtë komunë është një faktor i rëndësishëm që duhet të shërbej si model edhe për të tjerët. Tutje kryetari Berisha para shefit të OSBE-së shprehu falënderimet e tij dhe të popullit norvegjez për angazhimet dhe investimet që kanë ofruar për të gjitha komunitetet që jetojnë në komunën e Fushë-Kosovës.
Nga ana e tij ambasadori Braathu tha se ndihem i privilegjuar për pritjen dhe informatat që mora për komunën tuaj andaj ju inkurajoj që të vazhdoni edhe më tutje me angazhimet tuaja për realizimin e projekteve në të mirë të qytetarëve të komunës së Fushë-Kosovës.
Shefi i misionit të OSBE-së, z.Brathu, në fund të takimit tha se ne kemi ndihmuar shumë komunat e Kosovës në hartimin e kornizave buxhetore, sidomos rreth transparencës, andaj këtë do ta bëjmë edhe në të ardhmen sidomos me komunën tuaj.
Të dy bashkëbiseduesit në fund u shprehën të gatshëm që të intensifikojnë takimet dhe të bashkëpunojnë edhe më tutje në fushat ku janë mundësitë e përbashkëta dhe të nevojshme.
