Kryetari i Komunës së Fushë-Kosovës, Burim Berisha, informoi ambasadorin Braathu për rrjedhat e përgjithshme në komunën e Fushë-Kosovës. Një ndër temat kyçe të këtij takimi ishte procesi i kthimit të tetë familjeve serbe në fshatin Miradi e Epërme, për çka edhe u dakorduan që ky proces të mbështetet edhe më shumë duke kërkuar edhe përkrahjen e institucioneve tjera. Kryetari Berisha nga ana e tij premtoi se do të punojmë edhe më tutje që ky proces të ec normalisht dhe qytetarët serb që kanë dëshirë të jetojnë në fqinjësi me ata shqiptar do të kenë mbështetjen e plotë të institucioneve komunale. Edhe ambasadori Brathu premtoi se Norvegjia edhe në të ardhmen do të mbështes projektet e kthimit dhe të integrimit të të gjithë atyre që dëshirojnë bashkëjetesën, harmoninë dhe tolerancën.
