Para pak ditëve, në Fushë-Arrëz, në festivalin e gjashtëmbëdhjetë mbarëkombëtarë të instrumentistëve të vegjël popullor, bashkë me valltarët e Ansamblit “Zëri i Kosovës” shkëlqyen edhe dy instrumentistët Arbnor e Luan Berisha. Nga atje Ansambli u kthye me Diplomë dhe Mirënjohje për performancë dhe interpretim artistik.
Komorani ishte nikoqir i festivalit kombëtar folklorik që u organizua në nderim të Komandant Plakut, ku në mesin e mbi tridhjetë grupeve pjesëmarrëse, me këngë dhe valle të zgjedhura, Ansambli “Zëri i Kosovës”- grupi i dytë, po ashtu pati një prezantim mbresëlënës duke u vlerësuar nga juria profesionale me çmimin “Koreografia më e mirë” e këtij festivali, tashmë tradicional kombëtar.
Si edhe deri më tani të gjitha këto aktivitete janë mbështetur nga Drejtoria e Kulturës, Rinisë dhe Sportit e Komunës së Fushë-Kosovës.
