Sot, Komuna e Fushë Kosovës, përmes Drejtorisë së Zhvillimit Ekonomik, ka nënshkruar marrëveshjet me 44 përfitues të granteve për start-up biznese, në kuadër të Thirrjes Publike për përkrahjen financiare të bizneseve të reja dhe inovative për vitin 2026.
Përmes kësaj mbështetjeje, synohet nxitja e ndërmarrësisë, vetëpunësimit, krijimi i vendeve të reja të punës dhe zhvillimi i qëndrueshëm ekonomik në komunën tonë. 
Komuna e Fushë-Kosovës vazhdon të mbështesë idetë inovative dhe iniciativat e reja të biznesit, duke krijuar mundësi për zhvillim ekonomik dhe mirëqenie për qytetarët.
