Zëvendësministrja e MAPL-së znj. Fatbardha Emini dhe zëvendësministri i MPBAP-së z. Bajram Gecaj vizituan komunën e Fushë Kosovës me ç‘rast u pritën nga kryetari i komunës së Fushë-Kosovës z.Burim Berisha.
Kryetari Berisha informoi mysafirët për masat që janë ndërmarrë dhe për sfidat me të cilat po ballafaqohet komuna e Fushë-Kosovës në periudhën e pandemisë COVID-19. Po ashtu kryetari Berisha informoi mysafirët se nga sot komuna e Fushë-Kosovës nuk ka më asnjë të infektuar me virusin COVID-19.
Tejkalimin e suksesshëm të pandemisë COVID-19 mund ta bëjmë vetëm me angazhimin dhe përkushtimin e përbashkët të të gjitha institucioneve lokale siç janë Shtabi Emergjentë, Komuna, QKMF dhe Stacioni i policisë në Fushë-Kosovë por edhe me institucionet qeveritare tha në mes tjerash kryetari i komunës së Fushë Kosovës z.Burim Berisha.
