Seancat e Kuvendit të Komunës së Fushë-Kosovës tani e tutje do të përcillen nëpërmjet video dhe audio komunikimit, kjo falë Ministrisë së Administratës dhe Pushtetit Lokal që ka pajisur Komunat e Kosovës me pajisje të teknologjisë informative që mundësojnë video dhe audio komunikimin në kohë reale.
Seancat e Kuvendit të Komunës së Fushë-Kosovës tani e tutje do të përcillen nëpërmjet video dhe audio komunikimit, kjo falë Ministrisë së Administratës dhe Pushtetit Lokal që ka pajisur komunat e Kosovës me pajisje të teknologjisë informative që mundësojnë video dhe audio komunikimin në kohë reale.
Seanca e sotme e Kuvendit të Komunës së Fushë-Kosovës kishte një risi sa i përket transparencës sepse është instaluar kjo formë e komunikimit si një strategji e re e komunikimit dhe punës. Kjo pajisje e cila mundëson angazhimin e të gjithë pjesëmarrësve në seancë, konferenca apo takime që ofron pamje prej 360 shkallësh në sallën e asamblesë apo zyrë apo diku tjetër duke mundësuar edhe incizimin e takimeve të cilat mundë të sinkronizojnë përmbajtjen e zërit dhe videos.
Falë kësaj aparature pritet që shumë shpejt përmes Web-sajtit edhe qytetarët e Komunës së Fushë-Kosovës të kenë mundësi që t’i përcjellin seancat e Kuvendit.
