Edhe këtë javë po vazhdon inspektimi nga Inspektorët Komunal në bashkëpunim me Policinë e Kosovës lidhur me respektimin e masave anti-COVID nga operatorët transportues në Komunën e Fushë-Kosovës.
Zbatimi i masave që parandalojnë shpërndarjen e virusit është obligim i të gjithëve – në këtë rast i shoferëve të autobusëve, të taksive dhe të kompanive.
Bazuar në nenin 24 të Ligjit nr. 07/L-006 për Parandalimin dhe Luftimin e Pandemisë COVID-19 në Territorin e Republikës së Kosovës, personi juridik i cili nuk e zbaton vendimin e organit kompetent për krijimin e kushteve dhe mbajtjen e distancës së përcaktuar në hapësirat në të cilat është përgjegjës dënohet me gjobë prej pesëqind (500) euro, ndërsa personi përgjegjës i personit juridik dënohet me gjobë prej dyqind (200) euro.
