Sot, Kryetari i Komunës, Valon Prebreza, së bashku me Drejtorin e Drejtorisë së Arsimit, Adriatik Zeqiri, mbajtën një tryezë diskutimi në kuadër të angazhimit për rritjen e cilësisë dhe përmirësimin e kushteve në fushën e arsimit.
Gjatë bashkëbisedimit u trajtuan çështje me rëndësi që lidhen me avancimin e procesit mësimor, përmirësimin e infrastrukturës shkollore, si dhe krijimin e kushteve më të mira për nxënësit dhe mësimdhënësit.
Kryetari theksoi se komuna mbetet e përkushtuar për të investuar në arsim cilësor dhe për të ndërmarrë hapa konkretë që kontribuojnë në ngritjen e standardeve në institucionet arsimore.
Tryeza u vlerësua si një hap i rëndësishëm drejt forcimit të bashkëpunimit institucional dhe avancimit të mëtejmë të sektorit të arsimit në komunë.
