E nderuara familje e Dr. Hasanit,
Me dhimbje të thellë dhe keqardhje të madhe, kemi kuptuar për humbjen e kolegut tonë të dashur Dr. Hasan Krasniqi.
Doktor Hasani ka qenë pjesë e stafit të QKMF-së duke shërbyer si Specialist i Biokimisë për një kohë të gjatë. Gjatë kohës që me Hasanin kemi punuar së bashku ka treguar përkushtim të jashtëzakonshëm, profesionalizëm dhe një shpirt bashkëpunues që do të na mungojë shumë.
Kontributi dhe puna e tij e palodhshme do të mbes përgjithmonë në kujtimet e të gjithë personelit të komunës dhe qytetarëve tanë.
Dëshirojmë të shprehim mirënjohjen tonë të thellë për të gjitha kontributet dhe përpjekjet e tij.
Hasani ka qenë një pjesë e rëndësishme e suksesit tonë dhe kujtimet e tij do të mbeten gjithmonë në zemrat tona.
Me respekt dhe mirënjohje shprehim ngushëllimet më të sinqerta familjes, farefisit dhe qytetarëve të komunës sonë.
