Kryetari i Komunës, Valon Prebreza, së bashku me Drejtoreshën për Shëndetësi dhe Mirëqenie Sociale, Albana Gashi, dhe Drejtorin e Arsimit, Adriatik Zeqiri, mirëpritën në takim përfaqësueset e organizatave që veprojnë në mbështetje të fëmijëve dhe personave me nevoja të veçanta.
Në këtë takim u zhvillua një diskutim konstruktiv me znj. Jeta Deva nga Asociacioni Nacional i Autizimit në Kosovë (ANAK) dhe znj. Leonora Shabani, aktiviste politike për të drejtat e fëmijëve, lidhur me mundësitë e bashkëpunimit institucional, avancimin e shërbimeve sociale dhe mbështetjen konkrete për familjet në komunën tonë.
Komuna e Fushë Kosovës mbetet e përkushtuar në ndërtimin e politikave gjithëpërfshirëse dhe në fuqizimin e bashkëpunimit me organizatat që kontribuojnë drejtpërdrejt në mirëqenien dhe integrimin e personave me nevoja të veçanta në shoqëri.
