Sot, më datë 22.11.2018 nga Kryesuesja e Kuvendit të Komunës së Fushë-Kosovës z. Vjollca Tërnava, së bashku me përfaqësuesit e ekzekutivit: Drejtorin e Financave – Ramadan Jashanica, Drejtoren e Drejtorisë së Administratës – Nurije Fazliu, Koordinatorin për Performancë Komunale – z. Adnan Bullatovci është zhvilluar një takim pune me përfaqësuesit e Agjencisë Zvicerane për Zhvillim ku janë shqyrtuar mundësitë për përfitimet e Komunës së Fushë-Kosovës nga Grandi i performancës për vitin fiskal 2018-2021 në bazë të performancës më të mirë komunale.
Grandi i performancës ka për qëllim të nxis konkurrencën ndërmjet komunave në Kosovë duke marrë parasysh që të gjithë qytetarët e vendit gëzojnë të drejtën e përfitimit nga qeveritë lokale me shkallë të njëjtë të performancës.
Grandi në fjalë do të ketë në dispozicion një buxhet vjetor prej 2.25 milionë euro për vitet 2018-2021 dhe të gjitha 38 komunat e Kosovës gëzojnë të drejtën e aplikimit për Grandin e perfomancës. Ashtu siç ishte edhe më parë, Komuna e Fushë-Kosovës synon që të jetë në mesin e atyre komunave të cilat do të jenë fituese të këtij Grandi për performancë të mirë komunale.
