Qëllimi i Memorandumit të Mirëkuptimit është transferimi i pjesëtarëve të Shërbimit të Zjarrfikësve dhe Shpëtimit nga Komuna e Fushë-Kosovës në njësitin profesional të Zjarrfikësve dhe Shpëtimit në kuadër të Ministrisë së Punëve të Brendshme, respektivisht Agjencinë e Menaxhimit Emergjent për vazhdimin e funksionimit dhe krijimin e kushteve më të mira për shërbimin e zjarrfikësve në të gjithë territorin e Kosovës.
Komuna e Fushë-Kosovës është e para në transferimin e zyrtarëve nga komuna në nivel qendror. Transferimi është duke u bërë në mbështetje të Ligjit për Zjarrfikje dhe Shpëtim, Nr: 04/L-049 dhe Udhëzimit Administrativ, nr. 21/2012 për transferimin e Shërbimit Zjarrfikës dhe Shpëtim në Njësitë Profesionale nga Komuna në MPB/AME, si dhe për një bashkëpunim dhe bashkërendim të ndërsjellët.
