Sot është realizuar takimi koordinues me qëllim të marrjes së masave preventive kundër zjarrit, si rezultat i temperaturave të mëdha që po mbretërojnë në vendin tonë.
Me këtë rast institucionet komunale bëjnë ftesë të gjithë qytetarëve që të jenë shumë të kujdesshëm në përdorimin e mjeteve ndezëse e sidomos bujqve që djega e hamulloreve është rreptësishtë e ndaluar ndërsa qytetarët që vizitojnë parkun e pishave të mos përdorin zjarr në asnjë rrethanë.
Në këtë takim janë koordinuar aktivitetet shtesë që do të ndërmerren nga ana e policisë dhe inspektorëve komunal në monitorimin e situatës dhe vizitave në pikat kritike për të siguruar se masat janë duke u respektuar me rigorozitetin maksimal.
Ditët në vijim Drejtoria e Shërbimeve Publike do të bëj disa intervenime në konfiguracionin përreth pyjeve dhe parkut të pishave që të pamundësoj çdo zjarr masiv që mund të rrezikojë pasurinë publike dhe të qytetarëve.
Komuna fton të gjithë qytetarët që të raportojnë çdo rrezik që mund të kanos qytetarët dhe pasurinë publike nga zjarri në numrin e policisë dhe zjarrfikëseve me të cilët komuna është në koordinim të plotë.
