Komuna e Fushë-Kosovës, ka mbajtur dëgjimin e tretë me qytetarë, ku ka diskutuar për Planifikimin Buxhetor 2025 – 2027.
Në këtë dëgjim, merrnin pjesë Drejtori për Infrastrukturë – Planifikues i Buxhetit z.Bardhyl Kojçiçi, Planifikuesja e Buxhetit znj. Shqipe Islami, Drejtori për Zhvillim Ekonomik z. Ekrem Berjani, Kryesuesi i Kuvendit z. Ali Ismaili, këshilltarë komunal, përfaqësues të OJQ-ve, përfaqësues të bizneseve dhe qytetarë.
Pas prezantimit të projeksioneve buxhetore për vitet 2025-2027 nga planifikuesit të pranishmit, kanë paraqitur kërkesat e tyre për investimet kapitale.
Buxheti i përgjithshëm i Komunës për vitin 2025 është 16,747,838.00 euro, ndërsa nga kjo shumë, për investime kapitale janë planifikuar 4,352, 982.00 euro. Ky është dëgjimi i tretë publik me qytetarë për këtë vit, ku është diskutuar për Planifikimin e Buxhetit.
