Për të gjitha bizneset më të reja se tri vjet dhe ata që aspirojnë të bëhen ndërmarrës, Business Support Center of Kosovo – BSCK organizon trajnime falas. Këto trajnime kanë për qëllim informimin e bizneseve të reja dhe ndërmarrësit aspirant për konceptet bazë të Ndërmarrësisë.
Trajnimet janë pjesë e Projektit “Mbështetje e një mjedisi më miqësor dhe shërbime këshilluese për biznese nëpërmes qendrës One Stop Shop” i financuar dhe menaxhuar nga Zyra e Bashkimit Evropian në Kosovë. Projekti implementohet nga Business Support Center of Kosovo – BSCK në partneritet me komunat e Regjionit Qendër. Trajnimet do të mbahen në datat si vijon:
Prishtinë nga 03.09.2012 – 21.09.2012
Fushë-Kosovë nga 03.09.2012 – 21.09.2012
Obiliq nga 06.09.2012 – 28.09.2012
Drenas nga 06.09.2012 – 28.09.2012
Podujevë nga 24.09.2012 – 12.10.2012
Shtime nga 24.09.2012 – 12.10.2012
Lipjan nga 24.09.2012 – 12.10.2012
Duke marrë parasysh që konsulenca dhe trajnimet për bizneset e reja kanë një kosto të lartë, ky projekt do të ofrojë trajnime falas për bizneset më të reja se tri vjet dhe aspirant të cilët planifikojnë të themelojnë biznes. Pjesëmarrësit e trajnimit do të përfitojnë njohuritë më të reja në fushën e Ndërmarrësisë dhe menaxhimit të biznesit, financave, marketingut, biznes planit.
Trajnimet do të mbahen nga trajner dhe ekspert të njohur dhe me përvojë të BSCK-s dhe përfshijnë këto module:
Ndërmarrësi dhe Strategji biznesi (5 ditë),
Marketing dhe Hulumtim tregu (3 ditë)
Financa dhe përpilim i biznes planit (7 ditë)
Pas përfundimit të trajnimit të gjithë pjesëmarrësit do të pajisen me certifikatë ndërsa kandidatët me potencialin më të lartë të rritjes dhe suksesit, do të përfitojnë konsulencë falas më të avancuar.
Të drejtë aplikimi
Të drejtë aplikimi kanë të gjitha bizneset më të reja se tri vjet dhe të gjithë ata të cilët kanë ambicie për të themeluar biznesin e tyre .
Trajnimet do të zgjasin 15 ditë dhe do të jenë falas.
Mënyra e aplikimit:
– Aplikacionet mund t’i merrni dhe dorëzoni në “Qendrën e biznesit One Stop Shop “ në komunën tuaj ose – Shkarkoni aplikacionin në www.bsckosovo.org dhe dërgoni aplikacionin e plotësuar në trajnimebiznesi@bsckosovo.org
Afati i fundit i aplikimit është tri ditë para se të fillon trajnimi në komunën tuaj.
Për më shumë informata na kontaktoni në 038 247 981 ose përmes e-mail adresës trajnimebiznesi@bsckosovo.org
