Drejtoria e Shërbimeve Publike ka ndërmarrë një varg veprimesh në kuadër të përmirësimit të pastërtisë dhe mirëmbajtjes së hapësirave publike në qytet.
Këto aktivitete përfshijnë pastrimin e rregullt të rrugëve, mirëmbajtjen dhe kositjen e sipërfaqeve të gjelbra, si dhe largimin e mbeturinave inerte nga hapësirat publike.
Këto ndërhyrje realizohen në përputhje me planifikimet operative dhe synojnë garantimin e një mjedisi të pastër, të rregullt dhe funksional për të gjithë qytetarët.
Drejtoria e Shërbimeve Publike mbetet e përkushtuar në vazhdimin e këtyre angazhimeve, duke kontribuar në rritjen e standardeve të jetesës dhe mbrojtjen e mjedisit.




