Të dashur mësimdhënës,
Me rastin e festës suaj, kam nderin dhe kënaqësinë që t’ju përshëndes dhe t’ju uroj këtë festë të madhe, 7 Marsin – Ditën e Mësuesit.
Kur përkujtojmë këtë ditë të veçantë për arsimin shqip, ngjallim nderimin dhe respektin për të gjithë ata pishtarë të dijes dhe të diturisë, të cilët që nga kohërat e hershme hapen shkollat shqipe dhe me punën e tyre sublime ruajtën frymën kombëtare të arsimit shqip në Kosovë.
Kjo ditë pasqyron në vetvete rrugën e vështirë për mbijetesën dhe vetëdijen tonë kombëtare në shekuj, si dhe rrugën e gjatë të krijimit dhe konsolidimit të sistemit arsimor, përballë sfidave të kohës.
Sot në këtë 7 Mars, ju kujtojmë se ndjehemi krenarë me punën, angazhimin dhe kontributin tuaj të çmueshëm për arsimimin e gjeneratave të reja në Komunën tonë të dashur.
Po ashtu shprehim mirënjohje të thellë dhe respekt ndaj të gjithë atyre mësuesve që sot nuk jetojnë më, por që lanë pas kujtimet e bukura në shërbim të popullit dhe atdheut.
Prandaj, mësimdhënës të nderuar, duke ju uruar edhe një herë 7 Marsin, Ditën Tuaj, urojmë të keni suksese në misionin tuaj të shenjtë.
GËZUAR!
