Duke pasur parasysh që Komuna e Fushë-Kosovës është e angazhuar në ndërmarrjen e hapave proaktiv për integrimin dhe forcimin e strukturave organizative të përshtatshme për përmirësimin e masave të EE/BRE në sektorin e banimit, sot u nënshkrua memorandum mirëkuptimi për realizimin e projektit “SEEK – Subvencionet për Efiçiencë të Energjisë në Kosovë”.
Ky projekt ka për qëllim zvogëlimin e konsumit të energjisë elektrike në sektorin e banimit duke ndarë subvencione dhe stimuj të tjerë ekonomik për njësitë e banimit që të investojnë në masa të Efiçiencës së Energjisë (EE) dhe në Burime të Ripërtërishme të Energjisë (BRE), nëpërmjet pakos ndërhyrëse ‘Rinovimet për Efiçiencë në Njësitë e Banimit (HER)’.
Ky memorandum mirëkuptimi krijon kornizën për bashkëpunim midis palëve në mënyrë që të sigurojë zbatimin efektiv të Projektit.
