Drejtoria për Kulturë, Rini dhe Sport është përgjegjëse për hartimin, zbatimin dhe promovimin e politikave komunale në fushën e kulturës, rinisë dhe sportit, me qëllim të zhvillimit të jetës kulturore, fuqizimit të rinisë dhe avancimit të aktiviteteve sportive në Komunë.
Në kuadër të kompetencave të saj, Drejtoria:
Harton dhe zbaton strategji, programe dhe plane për zhvillimin e kulturës, rinisë dhe sportit.
Organizon, koordinon dhe mbështet aktivitete kulturore, artistike, rinore dhe sportive në nivel komunal.
Promovon trashëgiminë kulturore dhe vlerat artistike, duke mbështetur institucionet dhe organizatat kulturore.
Bashkëpunon me klubet sportive, organizatat rinore, institucionet arsimore dhe partnerët vendorë e ndërkombëtarë për realizimin e projekteve të përbashkëta.
Mbështet zhvillimin e talenteve të rinj dhe krijon mundësi për pjesëmarrjen aktive të të rinjve në jetën publike dhe shoqërore.
Menaxhon dhe mbikëqyr objektet kulturore dhe sportive në kompetencë të Komunës, duke siguruar mirëmbajtjen dhe shfrytëzimin e tyre efikas.
Harton dhe zbaton projekte për përmirësimin e infrastrukturës kulturore, rinore dhe sportive.
Promovon aktivitete që nxisin stilin e shëndetshëm të jetesës, përfshirjen sociale dhe zhvillimin e sportit për të gjitha grupmoshat.
Përgatit raporte periodike mbi realizimin e programeve dhe aktiviteteve të drejtorisë.
Siguron zbatimin e legjislacionit në fuqi, si dhe promovon transparencën, llogaridhënien dhe profesionalizmin në administrimin e sektorit të kulturës, rinisë dhe sportit.
